Атмосфера ҳавосини муҳофаза қилиш тўғрисида ги қонунига ўзгартириш ва қўшимчалар киритиш тўғрисида” ги Ўзбекистон Республикаси қонуни мазмун-моҳияти ва аҳамияти ҳақида семинар

Ўзбекистон Республикаси Экология ва атроф-муҳитни муҳофаза қилиш давлат қўмита раисининг 2019 йил 19 апрелдаги 191-сонли “Атмосфера ҳавосини муҳофаза қилиш тўғрисида”ги Қонунига ўзгартириш ва қўшимчалар киритиш тўғрисида”ги Ўзбекистон Республикаси Қонунини мазмун моҳияти ва аҳамияти” ҳамда “Атмосфера ҳавосини муҳофаза қилиш соҳасидаги ишларни ташкиллаштириш йўналишида замонавий талаблар” мавзусида 2019 йил 19 июн куни Навоий вилоят Экология ва атроф-муҳитни муҳофаза қилиш бошқармасида ўтказилган  семинар тўғрисида.

      1.“Атмосфера ҳавосини муҳофаза қилиш тўғрисида”ги Ўзбекистон Республикаси Қонунига ўзгартиш ва қўшимчалар киритиш тўғрисида”ги Ўзбекистон Республикаси Қонунини мазмун-моҳияти ва аҳамияти  ҳақида Ўзбекистон Республикаси Экология ва атроф-муҳитни муҳофаза қилиш давлат қўмитасининг Атмосфера ҳавосини муҳофаза қилиш бошқармаси бошмутахассиси, гуруҳ раҳбари- Анвар Шабанов семинар иштирокчиларига батафсил тушунчалар бериб, савол-жавоб тариқасида давлат инспекторлари билан ўртоқлашилди.Семинар слайд кўринишида олиб борилди.

Призентация тингланиш билан бирга гуруҳ раҳбари томонидан давлат инспекторларининг тизимга оид билим даражалари, соҳага оид бугунги кундаги янгиликлар, Ўзбекистон Республикаси Президентининг, Ўзбекистон Республикаси Вазирлар Маҳкамасининг, вилоят ҳокимининг  бир қанча Қарор, Фармон ва Фармойишлари билан уларни қай даражада таниш эканликларини баҳолади.

         Шунингдек, семинар давомида ҳозирги кунда атмосфера ҳавосини муҳофаза қилиш, доимий назоратга олиш каби масалаларда Экология ва атроф-муҳитни муҳофаза қилиш борасида муҳтарам Президентимиз томонидан Республикамизда янги инновацион технологияларни жорий этиш энг асосий вазифа эканлигини гапириб ўтди. Янги технологияларни жорий этишда экологик экспертизанинг вазифалари, иқлим ўзгаришларига сабаб бўлувчи омиллар ҳақида ҳамда ҳозирги кундаги энг долзарб масалалар “Экологик назорат тўғрисида”ги, “Атмосфера ҳавосини муҳофаза қилиш тўғрисида”ги Ўзбекистон Республикаси Қонунига ўзгартиш ва қўшимчалар киритиш тўғрисида”ги  Қонунини қабул қилиниши, бежиз эмаслигини айтиб ўтди.

Ушбу қонуннинг асосий мақсади, вазифаси нима?- деган савол билан семинар иштирокчиларининг диққатини қаратди.

• Кармана тумани инспекцияси бош мутахассисиПўлат Асанов томонидан саволга тўлиқ жавоб берилди.

Қонун моддалари бўйича таҳлиллар ва тушунчалар тўлиқ бериб борилди.  Ҳар йили ўтказиладиган икки босқичли “Тоза ҳаво ойлиги” тадбирларда ИИБ ЙПХХходимлари билан ҳамкорликда техник кўрикларда иштирок этиш, автотранспорт воситаларини асбобий усуллар билан назорат қилиш мумкинлиги тушунтирилди.

Кун тартибидаги масалалар юзасидан А.Шабанов“Атмосфера ҳавосини муҳофаза қилиш тўғрисида”ги қонунига ўзгартириш ва қўшимчалар киритиш тўғрисидаги Ўзбекистон Республикаси қонуни ва мазмун-моҳияти ва аҳамиятини кенг тарғиб қилиш тўғрисида маъруза қилди), Атмосфера ҳавосини муҳофаза қилиш бошқармаси бош мутахассиси А.Шабанов (“Экологик назорат тўғрисида”ги қонунининг ижроси тўғрисида маъруза қилди), Давлат экологик сертификатлаштириш маркази бўлим бошлиғи Д.Фармонов(Экологик сертификатлаштириш борасида амалга оширилган ишлар тўғрисида маъруза қилди), Атроф муҳитни муҳофаза қилиш соҳасида ихтисослаштирилган аналитик назорат маркази мутахассиси Ж.Халилов (Атмосфера ҳавосини ифлослантирувчи манбалар мониторинги, атмосфера ҳавосини ифлослантирувчи манбалардан намуналар олиш усуллари ва мавжуд асбоблар тўғрисида маъруза қилди),вилоят Атмосфера ҳавосини муҳофаза қилиш бўлими бошлиғи Д.Ахмедова (Навоий вилоятида атмосфера ҳавосини муҳофаза қилиш қонунининг ижроси тўғрисида маъруза қилди), “Давлат экологик экспертизаси маркази” ДУК директори Н.Муродовлар (“Экологик экспертиза тўғрисида”ги қонунининг Навоий вилоятидаги ижроси тўғрисида маъруза қилди),кун тартибига киритилган масалалар ҳамда жойларда экология ва атроф-муҳитни муҳофаза қилиш соҳасидаги назорат бўйича инспекциялар фаолиятини йўлга қўйиш ва мувофиқлаштириш масалалари юзасидан тушунчалар берилди. Семинар дастурига киритилган масалалар юзасидан давлат инспекторларининг билим даражаларини белгилаш мақсадида тест синови ўтказилди.

        Бундан ташқари,Атмосфера ҳавосини муҳофаза қилиш бошқармаси бош мутахассисиАнвар Шабановтомонидан давлат инспекторларига соҳага оид фаолиятларини амалга ошириш борасида семинар кун тартибидаги масалалар ҳамда ўз зиммаларига юклатилган лавозимий функцияларидан келиб чиқиб, қуйидаги масалаларга эътиборларини қаратилишини таъкидлаб ўтди.

1.Атмосфера ҳавосини муҳофаза қилиш йўналишида норматив ҳуқуқий ҳужжатлар билан таъминлаш;

2.Атмосфера ҳавосини муҳофаза қилиш бўлимини худудий бўлинма тасарруфидаги бошқа бўлимлар билан ўзаро ҳамкорлигини ошириш;

  3.Ҳосил бўлаётган ифлослантирувчи моддаларни ўлчаш бўйича ўлчов

асбоблари билан таъминлаш юзасидан таклифлар тайёрлаш;

      4.Инспекцион фаолият давомида қонун талабларини тўғри малакалаш;

5.Корхоналарнинг назоратга олиниши ва улар томонидан экологик нормативларни ишлаб чиқилишини назоратга олиш;

6.Корхоналар томонидан компенсация тўловлариининг ҳисобланиши бўйича ҳисоботларни топширилиши ва уларнинг ҳаққонийлигини текшириш амалиётини йўлга қўйиш;

7.Корхоналарни экологик сертификатлаштиришга тўлиқ жалб этиш;

8.Атмосфера ҳавосини муҳофаза қилиш йўналишида давлат экологик назоратини юритувчи бошқа бошқармалар билан ўзаро ҳамкорлик режаларини амалда бажарилишига эътиборни кучайтириш;

9.Атмосфера ҳавосини муҳофаза қилиш йўналишида жамоат экологик назоратини юритувчи ташкилотлари билан ўзаро ҳамкорлик режаларини ишлаб чиқиш ва  амалиётга тадбиқ этиш каби масалалар бўйича тегишли кўрсатма ва вазифалар берилди.