Ultimate magazine theme for WordPress.

“Asia Trans Gas” МЧЖ ҚК WKC3 қўрғонида ўтказилган тадбир

 Жорий йилнинг 29-майида, Навоий вилоят “Asia Trans Gas” МЧЖ ҚК WKC3 қўрғонида     “5-июн Бутун жаҳон атроф-муҳит куни ”  муносабати билан корхонада  амалга оширилаётган ишлар мавзуида давра суҳбати бўлиб ўтди.

    Бу тадбирда Вилоят экология ва атроф-муҳитни муҳофаза қилиш бошқармаси ходимлари, Ўзбекистон экологик ҳаракати Навоий ҳудудий бўлинмаси ходимлари, “Asia Trans Gas” МЧЖ ҚК WKC3 ходимлари иштирок этишди.

   Мазкур давра суҳбатида бўлинманинг атроф-муҳитни муҳофаза қилишга қаратилган техник чора-тадбирлари хусусида маълумотлар бериб ўтилди.Шунингдек чўл ўсимликлари, Ўзбекистоннинг10 та ноёб ҳайвонлари ва Ўзбекистон Республикаси “Қизил китоби” га киритилган қушларнинг тақдимоти ҳам бўлиб ўтди.

 Давра суҳбатида корхонада чўл экосистемасининг биологик хилма-хиллигини асраш ва уни тиклашга доир чораларини кўриш ҳамда корхона ишчиларининг атроф-муҳитга эҳтиёткорона муносабатини  шакллантириш устувор вазифа этиб белгиланганлиги эътироф этилди.  Хусусан 2017 йил декабр ойида корхона ходимларининг тўғри хатти-ҳаракатлари орқали оққушлар сақлаб  қолинганлиги ва уларни  Навоий вилоят биоинспекция  ходимларига топширганликларни тадбир қатнашчилари томонидан юқори баҳоланди.

Корхонада  бўлиб ўтган давра суҳбати  қизиқарли савол-жавобларга, таклиф-мулоҳазаларга бой тарзда  ўтди.